ياسمين
بتاريخ: 2025-09-12 22:53
طبعا ده رأيي الشخصي و بالتالي مش حيادي بالكامل لكن ممكن يساعد اللي بيفكر في التخصص يعرف يركز على ايه لما ينزل يحضر.
اولا / احنا بنشتغل فين ؟ العيادات الخارجية كل يوم في الجامعة و فيها عيادة اطفال/عام/علاج نفسي
عياده في العاشر سبت و اتنين و اربع
داهل فوق مبنى القرارات الوزارية في اول شارع السلام
مركز العزيمة للادمان تاني بوابة بعد تجارة (جنب القسم الداخلي)
عدد ايام النزول ٦ أيام، متقسمة على الاماكن دي و بتقل يوم كل سنه لحد ٤ ايام
النباطشيات ٢٤ ساعة لكن هي اقرب لـ on call يعني معظم الوقت بنام بليل والحمد لله work load مش تقيل
عدد النبطشيات متغير بس ممكن من نباطشيتين في الشهر لحد ٥ متوزعين بين ادمان و داخلي
نباطشياتنا مختلفة شوية لانك بتكون الدكتور الوحيد النباطشي و معاك م م on call
الحمد لله السكن في القسم و الادمان safe و جميل صراحة
التخصص بقى:
احنا بناخد ماجستير نفسية و عصبية و بعدين الدكتوراه نفسية فقط
بس بنشتغل امراض نفسية وعلاج ادمان فقط
تخصص الطب النفسي في sub-specialities زي الادمان و الحمد لله بنشتغله في مركز العزيمة و الاطفال بنشتغل عياده فقط حتى الان بس ممكن يكون متاح داخلي بعد كدا و الله اعلم
في بردو طب نفسي مسنين و forensic بس الريت فيهم قليل
انت كطبيب نفسي دورك انك تشخص و تعالج بالادوية الامراض النفسية لكن لان تخصصنا مختلف شوية ففي جزء مهم اسمع العلاج النفسي.
الطب النفسي تشخيصه معتمد بالاساس على history taking و تكوين علاقة علاجية مع المريض بحيث انه يثق فيك و يسمع كلامك بالذات لان لسا في ستيجما رهيبة بالذات في الارياف
طيب ده معناه انه لازم اكون:
١- صبور
٢- capable of empathy
٣- بعرف احط حدود مع المريض
تاني جزء هو ان علم النفس و ممكن تحسه يميل اكتر للفلسفة عن العلوم التطبيقية بس هو جزء مهم من تشخيصنا و علاجنا بالتالي لازم يبقى ليا خلق اقرا فيه و اقتنع بكلامه
للاسف مفيش في ادينا أدوات للتشخيص زي أشعات او تحاليل و معظم الامراض progressive فلازم اعرف ان الرضا بيجي من اني بحسن من جودة حياة المريض
تاني حاجة curve التعليم بطىء لان مش بس لازم اكون clinician شاطر لا لازم كمان ادرس علم نفس و امارس بعد المدارس العلاجية لان الاتجاه حاليا يميل للعلاج النفسي اكتر من العلاج الدوائي و علشان افيد المريض اكتر استفاده لازم اجمع بين الاتنين.
منافسينك في السوق هما الدجالين و لايف كوتش و المدربين
و الناس هتحبهم و هيروحوا ليهم قبلك وكمان هتلاقيهم بيقنعوا المريض لو بياخد علاج نفسي يوقفه 🥲
البرايفت مش أسهل حاجة ولكن موجود وكل ما ذاكرت اكتر علاج نفسي اتوفرت ليك فرص
ليه فرص سفر
لايف ستايل هادي و لكن هو في النهاية تخصص طبي و دي نيابة جامعة
و لازم تحضروا و تجربوا الأول